LA UNION – Naminsan manen a nagpalagip ti Social Security System (SSS) kadagiti miyembro a nabayagen a saan a makabaybayad ti utang a gundawayan ti panag-aplikar ti loan restracturing program.
Kinuna ni SSS La Union Branch Manager Francis Pentecostes, nga adda dagiti miyembro a saan a nakabaybayad ti loan iti napalabas a bulbulan isu a naipatungpal ti nasao a programa.
Babaen ti programa ket saanen a bayadan ti miyembro a nagloan ti penalty.
Ti laengen interest ken principal iti bayadan ti miyembro.
Naammuan a sumagmamano kadagiti miyembro iti naurnungan iti penalties gapu ti panagliway dagitoy a makabayad iti loan ti SSS.
Ti nasao a programa ket agpatingga laeng intong Oct. 31. 2018.
