Limmukay iti ipatpatungpal a lockdown ti pagilian nga Australia ngem kasapolan latta nga agtalinaed iti uneg ti balay.
Daytoy ti kinuna iti Bombo Radyo La Union ni International Correspondent Eden Incillo Dulay nga tubo ti Barangay Nagrebcan idiay ili ti Luna, ken citizen iti nasao a pagilian.
Segun kenni Dulay, napalubosan metten nga aglukat ti dadduma nga establishimento ken magatang dagiti kasapolanda.
Nakalukat metten dagiti pagadala numan adda latta dagiti naka home study.
Silulukat met ti gobierno iti panangipaay ti tulong babaen ti job seekers nangruna kadagiti citizen sadiay.
Saanda met nga agsusuot ti face mask ngem depende daytoy no kayat ti maysa nga tao.
Kabayatan na, nakailista metten ti 6,744 Covid 19 cases ti nasao a pagilian ken adda 88 ti natay.
