Awan iti agpangggep nga aglabsing iti ipatpatungpal a lockdown idiay pagilian a Kuwait gapu iti kinadakkel ti bayadan ti siasinoman nga aglabsing ditoy.
Iti pannakiuman ti Bombo Radyo La Union kenni news correspondent Helen Jimenez, tubo ti Bauang, La Union ken maysa nga Overseas Filipino Worker (OFW) idiay Kuwait, kinuna na nga umab-abot laeng met ti 10,000 Dinar wenno kaibatugan ti P1.62 milyon ti babayadan dagitoy.
Segun pay kenkuana, mabuteng dagiti tattao iti nasao a pagilian no sadino pagyamyamananda daytoy tapno saan nga agwaras ti virus.
Mainaeg daytoy, tallo pay laeng iti nailista a natay idinto a nasurok 1,000 ti nailista a Covid 19 cases idiay Kuwait.
Numan awan ti tulong nga maaw-awatda manipud iti Kuwaiti Governement ket adda tulong nga aggapu iti Department of Labor & Employment (DOLE) babaen iti Overseas Workers Welfare Administration (OWWA) a $200 wenno P10,000 pesos para kadagiti no work no pay nga OFW’s.
Iti sabali a bangir, karaman met iti bayanihan ti Filipino Community sadiay nga tumultulong kadagiti pada da nga awanan nangruna ket tallo a lugar sadoay ket naka total lockdown 24 oras.
Kabayatan na, aglippas met ti lockdown iti nasao a pagilan inton Abril 26 a nangrugi pay idi bulan ti Pebrero.
