LA UNION – Naikkaten iti pannakaipasidong iti lockdown ti municipal hall ken police station iti ili ti Burgos, La Union.
Nammuan ti Bombo Radyo kenni Assistant to the mayor a ni Sonny Galado, immuna a nai-lock down dagiti nadakamat a pasdek gapu ta nakailistada iti 13 a kaso ti COVID-19 iti masakupanda a lugar tapno maprebentaran ti panagwaras daytoy.
Kabayatanna, agtaltalinaed met a lock down ti intero a Barangay Bilis karaman ti Purok 5 ken 6 ti Barangay New Poblacion ti nadakamat nga ili.
Madama ita a pagnunummuan ti lokal nga IATF ti Burgos no dagiti laengen sitio wenno purok nga addaan ti kaso ti COVID-19 iti maipasidong ti lockdown gapu iti kiddaw dagiti sumagmamano nga agindeg kadagiti nasao a barangay.
