Naipasidongen iti lockdown maipanggep iti saan a panagserrek ken panagirwar iti baboy iti 3 a Barangay idiay ili iti Burgos, La Union.
Daytoy ti kinumpirma iti BOMBO RADYO LA UNION ni Burgos, La Union Mayor Robert Madarang Jr iti pannakaiuman kenkuana.
Karaman kadagiti naipasidong iti lockdown gapu iti African Swine Fever (ASF) ket ti Brgy. Agpay, Imelda ken Brgy. Libtong gapu iti panagpositibo iti blood sample iti ASF.
Mainaeg daytoy, napagsaritaan iti panagtaripnong nga dinar-ayan ti LGU, Municipal Agriculture Office ken Provincial Veterinary Office, a marugyan ita nga aldaw ti culling operation idiay Brgy. Libtong.
Awan met Mayor Madarang no mano dagiti hog raisers nga apektado ken dagiti baboy a maipasidong iti culling.
Napagsaritaan pay iti panagtaripnong dagiti containment measures nga isayangkatda tapno naan-anay a maipanamnama iti pananglapped iti panagwaras iti virus.
Impanamnama iti alkalde ti nainget a panangbantay da kadagiti quarantine checkpoints tapno sigurado nga awan ti maiserrek a baboy sadiay agsipudta ti ili ti Burgos, iti nakaipatatderan na ti maysa kadagiti quarantine checkpoints.
Maipalagip nga idi malem kalman nga naawat iti alkalde ti impormasyon a nagpositibo iti ASF dagiti sumagmamano a baboy idiay Brgy. Libtong
Ti ili iti Burgos ti maika-10 nga ili ditoy probinsiya iti La Union a nastrek iti ASF.
