Nasayaat iti panagdupudop dagiti estudiante a mangan iti Just One Pot Eatery iti umuna nga aldaw ti panagsubli ti klase iti Don Mariano Marcos Memorial State University – Mid La Union Campus (DMMMSU-MLUC).
Segun kenni Cherry Pimentel, staff ti nasao nga eatery, mangrugrugi da nga agsagana ken agluto ti taraon ti agarop alas-4:30 ti agsapa, ken agserra met iti karinderada ti agarup 12:30 ti tengga’t rabii, no naubosen dagiti taraon a lakoda.
Karaman kadagiti sida nga idiaydiayada ket iti Igado, Adobo a Baboy, Chicken Curry, ken adu pay ti sabali. Para met iti nateng, adda ti monggo, chopsuey, pinakbet, ken dadduma pay a nateng a taraon.
Agbalor iti meat-gulay ti ₱50, bayat a ₱55 met iti meat-to-meat budget meal, addaan daytoyen ti unlimited a sabaw.
Nakapuesto iti Just One Pot Eatery iti sango laeng ti DMMMSU-MLUC, isu a nalaka laeng a papanan dagiti estudiante ken sabali pay a kayat a mangan.
Kinuna pay ni Pimentel a naipatakder iti karinderia idi 2008 ken agtultuloy nga agserserbi iti komunidad iti uneg ti nasurok maysa a dekada.
Sigsiguradoen met iti eatery iti kinadalus ken kalidad dagiti ilaklakoda a taraon sakbay a maiserbi kadagiti kostumer babaen ti naimbag a panagbuggo ti ima da ken umiso a panagsagana dagiti rekados tapno maliklikan iti cross-contamination.
Report by:
Bombo Jordan Colcol
