LA UNION – Arestado iti dua nga indibidual, a pakaibilangan ti maysa a senior citizen ken maysa a baro, kabayatan iti insayangkat nga anti-illegal gambling operation dagiti otoridad iti Barangay Tanqui, SFC, La Union.
Dagiti dua a suspek ket isuda Cyrus Rivera, 21-anyos ken maysa a 60-anyos a baket, agpada a residente ti nasao a lugar bayat a ti maysa pay a kadwa dagitoy a nagsugal ket naglibas kabayatan ti operasyon.
Nabigbig ti naglibas iti nagan a Wendy Tabas, residente met laeng iti nadakamat a lugar.
Naamwan nga akto a natiliwan dagiti pulis dagiti suspek nga agsusugal ti tong-its.
Kinumpiskar dagiti otoridad iti P225.00 a bet money ken baraha.
Dagiti tallo ket sumangsango iti kaso a panaglabsing ti R.A. 9287.
