LA UNION – Nasarakan laengen a tumtumpaw ti bangkay ti 60-anyos a lakay kalpasan a maipagarup a nalmes daytoy idiay karayan a masakupan ti Barangay San Simon East, Aringay, La Union, alas-10:40 iti bigat, aldaw ti Dominggo, Mayo 23.
Nabigbig ti biktima a ni Felimon Carreon, residente iti nadakamat a barangay.
Base iti impormasyon a nakalap ti Bombo Radyo La Union manipud Aringay Police, nagturong ti biktima iti karayan idi malem ti Sabado, Mayo 22, tapno agkalap ti lames ngem napaay daytoy a makaawid.
Segun kadagiti kabagyan ti biktima a maipagarup nga addan ti epilepsy daytoy a posible a nangitunda iti pannakalmesna.
