LA UNION – Dead on arrival idiay ospital ti maysa a lolo a natinnag manipud iti atep ti balayna idiay Barangay Ubbog, ili ti Bangar, La Union.
Nabigbig ti 63-anyos a biktima a ni Rodolfo Dingle.
Naammuan ti Bombo Radyo manipud iti Bangar Police Station, naimatangan ti 59-anyos a misis ti biktima a ni Leonila Dingle ti napasamak nga aksidente.
Natinnag manipud iti uppat a metro a kangato iti atep ken naipakpak iti semento ti ulo iti biktima kalpasan a matukkol ti daan a wooden truss ti nasao a balay.
Maipagarup a ti pannakaipakpak iti ulo ti biktima iti makagapu ti saan a namnamaen a pannakatay daytoy.
