Alas-tres itay parbangon, naudi a nasaripatpatan iti Low Pressure Area (LPA) iti kabaybayan ti Dumaran, Palawan.
Mangipaay daytoy ti nalulem a tangatang a nabuyogan ti mawaraswaras a panagtudo ken panagguruod idiay Visayas, MIMAROPA, Bicol Region, Zamboanga Peninsula, Northern Mindanao, Batangas, ken Quezon.
Agtultuloy met a mabambantayan iti Severe Tropical Storm Dujuan iti ruar ti Philippine Area of Responsibility. Naudi a nasaripatpatan iti bagyo iti kaadayo a 2,460 km Daya Amianan-a-Daya ti Extreme Northern Luzon. Kabuyog na iti kapigsa ti angin nga 110 km/h asideg ti tengnga ken kapegges nga agingga 135 km/h bayat a dupdupagen iti amianan-a-palaud iti kapaspas a 55 km/h.
Kabayatanna, ti localized thunderstorms iti mangigubuay ti apagapaman agingga nalulem a tangatang ken mapatto-pattok a panagarbis idiay Metro Manila ken iti nabatbati a paset ti pagilian.
SUNRISE: 5:46 AM
SUNSET: 5:58 PM
