Nagbalinen a bagyo iti Low Pressure Area (LPA) a mabanbantayan idi malem idiay Sinait, Ilocos Sur ken napanaganan a Tropical Depression LANNIE.

Naudi a nasaripatpatan iti sentro ti TD LANNIE iti kaadayo a 315 km Laud ti Sinait, Ilocos Sur. Kabuyog na iti kapigsa ti angin a dumanon ti 45 km/h asideg ti tengnga ken kapengges nga agingana 55 km/h. Dupdupagen na iti pa-Laud a direksion iti kapaspas a 15 km/h.

Maibasar iti Tropical Cyclone Bulletin #1 ti Philippine Atmospheric, Geophysical and Astronomical Services Administration (PAGASA), apagapaman a papigsaen ti bagyo iti Southwest Monsoon wenno Habagat ken mangiyeg dagiti napipigsa nga angin a makaapektar iti kabaybayan ken dagiti upland areas partikular ditoy Ilocos Region, idiay Cagayan, ken Isabela.

Awan ti Gale Warning a naipaulog iti agdama, ngem nabalakadan dagiti babassit a lugan pangbaybay pakairamanan dagiti motorbancas a saan pay laeng nga agpataaw.

Kabayatanna, kangrunaan a turungen ni LANNIE iti Amianan-a-Laud a direksion agingana inton aldaw ti Lunes (September 8) sakbay nga agpa-Laud Amianan-a-Laud iti pakabuklan ti forecast period. Maibasar iti forecast track, rumuar daytoy iti Philippine Area of Responsibility (PAR) inton madamdama wenno inton malem.

Manamnama met a pumigsa iti bagyo ken agbalin a tropical storm inton rabii wenno inton bigat (September 7).

Forecast Position

  • Sep 06, 2025 02:15 PM – 335 km West of Sinait, Ilocos Sur (OUTSIDE PAR)
  • Sep 07, 2025 02:15 AM – 420 km West of Laoag City, Ilocos Norte (OUTSIDE PAR)
  • Sep 07, 2025 02:15 PM – 660 km West of Calayan, Cagayan (OUTSIDE PAR)
  • Sep 08, 2025 02:15 AM – 845 km West of Extreme Northern Luzon (OUTSIDE PAR)
  • Sep 08, 2025 02:15 PM – 1,015 km West of Extreme Northern Luzon (OUTSIDE PAR)
  • Sep 09, 2025 02:15 AM – 1,140 km West Northwest of Extreme Northern Luzon (OUTSIDE PAR)
  • Sep 10, 2025 02:15 AM – 1,375 km West Northwest of Extreme Northern Luzon (OUTSIDE PAR)

Source: PAGASA-DOST