Agtultuloy a banbantayan ti PAGASA iti maysa a Low Pressure Area (LPA) nga adda iti ruar ti Philippine Area of Responsibility (PAR).
Naudi a nasaripatpatan daytoy iti kaadayo a nasurok-kumurang 1,545 km iti makindaya a paset ti Eastern Visayas.
Segun iti weather bureau, adda ti katamtaman a posibilidad nga agbalin a tropical depression iti uneg ti sumaruno a 24 nga oras ken maawagan a bagyo “Kiyapo” no sumrek iti PAR.
Iti agdama, awan pay ti direkta nga epekto daytoy iti aniaman a paset ti pagilian, ngem agtultuloy daytoy nga imonmonitor ti PAGASA bayat nga agtaltalinaed a panagtutudo ken paborable iti kondision para iti pannakabukel dagiti bagyo.
Mabalakadan met iti publiko nga agtultuloy a padaanan dagiti opisial a weather bulletin para kadagiti sumaruno nga update.###
