LA UNION – Itay alas 3:00 ti malem, iti Low Pressure Area (LPA) ket naudi a nasaripatpatan iti kaadayu a 780 kilometro amianan, amianan-a-daya ti Catarman, Northern Samar wenno 635 kilometro daya ti Aparri, Cagayan.
Iti met Southwest Monsoon wenno habagat ti mangpat-patudo iti lumaod a paset ti Luzon.
Dagiti lugar a makapadas iti mawaras-waras a panagtudo ken panaggarru-od gaputi habagat ket dagiti sumaganad:
Metro Manila, Ilocos Region, Zambales,Bataan, Cavite, Laguna, Batangas, Occidental Mindoro, ken northern Palawan
Dagiti lugar a makapadas iti mawaras-waras a panagtudo ken panaggarru-od gaputi tar-tara-ipos ti low pressure area ket idiay…..
Bicol Region, Aurora, Quezon, Northern Samar, Samar, ken Eastern Samar
Bayat nga iti nabatbati a paset ti pagilian ket makapadas ti apagapaman a nakuyem a tangatang, mapatto-pattok a panagtudo wenno panaggarru-od, epekto ti Localized Thunderstorms.
Maiballaag iti posible a panaglayos wenno landslide kadagiti low lying areas ken dadduma pay a hazard prone areas.
