BR LA UNION – Inyanunsiyo ti Land Transportation Office (LTO) a rugyan dan ti agtiliw kadagiti agus-usar ti improvised plate number inton Setyembre 1.
Segun kenni LTO chief Markus Lacanilao, nangiruar ti pammilin para kadagiti LTO offices seknan iti panagtiliw kadagiti agus-usar ti peke a plaka ken agtul-tulad ti plaka.
Inyarig ti opisyal iti nasaknap a panaglakwan iti peke a plate numbers dagiti lugan.
Impaganetget na nga awan ti ipapaayan da ti otorisasyon nga agaramid iti peke a plaka.
Nagballaag a siasinuman ti aglabsing ket masita ken ma-impound dagiti lugan.
Ingkaso a napukaw dagiti plaka rumbeng a mangala ti akinkuan ti affidavit of loss tapno maikkan daytoy ri “authorization” nga agusar ti improvised plate.
