Nakatuding a mangipatungpal iti lokal a gobierno ti Luna ti uppat nga aldaw a panagtrabaho iti makalawas wenno ti Four-Day Work Week a mangrugi inton Marso 9, 2026.
Ti addang ket sagudayen ti Executive Order No.13, series of 2026 ken kas panagsuporta iti emergency fuel conservation measures.
Maibasar iti nasao a pammilin, adda ti trabaho iti aldaw ti Lunes aginggana Huwebes manipud alas-otso ti bigat aginggana alas-siete ti rabii, bayat nga awan met ti serrek iti Biyernes aginggana Dominggo.
Impasigurado ti lokal a gobierno nga agtalinaed iti serbisio kabayatan ti regular nga operating hours dagiti sektor ti seguridad, health and sanitation, solid waste management, disaster response units, ken market operation.
