Nainget a pannakaipatungpal dagiti Ordinansa ditoy probinsya ti La Union nangyeg iti urnos ken disiplina iti komunidad
Bombo Ericka Quinzon
Inaramid ti La Union Police Provincial Office (LUPPO) ti nainget nga addang tapno mataginayon ti urnos ken kinatalged iti komunidad, kas maibatay iti direktiba ti Department of the Interior and Local Government (DILG) babaen ti panangidaulo ni Secretary Jonvic Remulla.
Karaman kadagiti nainget a maipatungpal nga ordinansa ti pannakaiparit ti panaginum iti arak kadagiti kalsada ken pampubliko a lugar, pannakaipatungpal ti curfew para kadagiti agtutubo, pannakaiparit ti panagruar nga awan ti umdas a kawes, ken pannakaiparit ti panagusar iti videoke kalpasan ti 10 p.m. malaksid no adda maitutop a pammalubos.
Segun kenni PLTCol. Lawrence Ganuelas, Public Information Officer ti LUPPO, madlaw ti panagbaba ti bilang dagiti aglabsing kadagiti nadakamat nga ordinansa. Makita a bimmassit ti bilang dagiti umin-inum kadagiti kalsada gapu ta ad-adda a naammuan ti publiko dagiti addan a pagannurotan, kinuna ni Ganuelas.
Inbinglayna pay a dagiti natiliwan a naglabsing iti ordinansa ket naikkan iti maitutop a dusa basar iti bilang dagiti naglabsing. Ti umuna a panaglabsing ket addaan iti multa a ₱200, bayat a ti maikadua ken maikatlo a panaglabsing ket addaan iti nangatngato a multa sigun kadagiti pagannurotan.
Dakkel met ti akem dagiti opisial ti Barangay iti pannakaipatungpal dagiti ordinansa. Agserbi dagitoy a kas umuna a palagip kadagiti konstituenteda tapno masigurado a ti tunggal umili ket addaan iti umdas a pannakaammo kadagiti agdama a pagannurotan.
Gapu iti daytoy, naipadamag a nakaawat ti LUPPO iti positibo a feedback manipud iti komunidad. Bimmassit dagiti insidente ti panaginum iti ruar, panaglabsing dagiti menor de edad, ken reklamo a mainaig iti arimbangaw, a dati a gagangay a parikut iti dadduma a lugar.
Ad-adda pay nga impaganetget ti LUPPO a napateg ti agtultuloy ti pannakaipatungpal dagitoy nga ordinansa tapno mataginayon ti urnos ken malapdan ti riribuk. Mangnamnama met ti opisinada nga agtultuloy ti panagtitinnulong ti publiko tapno ad-adda a mapatibker ti disiplina ken responsable a panagbiag iti komunidad.
LA UNION – Inaramid ti La Union Police Provincial Office (LUPPO) ti nainget nga addang tapno mataginayon ti urnos ken kinatalged iti komunidad, kas maibatay iti direktiba ti Department of the Interior and Local Government (DILG) babaen ti panangidaulo ni Secretary Jonvic Remulla.
Karaman kadagiti nainget a maipatungpal nga ordinansa ti pannakaiparit ti panaginum iti arak kadagiti kalsada ken pampubliko a lugar, pannakaipatungpal ti curfew para kadagiti agtutubo, pannakaiparit ti panagruar nga awan ti umdas a kawes, ken pannakaiparit ti panagusar iti videoke kalpasan ti 10 p.m. malaksid no adda maitutop a pammalubos.
Segun kenni PLTCol. Lawrence Ganuelas, Public Information Officer ti LUPPO, madlaw ti panagbaba ti bilang dagiti aglabsing kadagiti nadakamat nga ordinansa. Makita a bimmassit ti bilang dagiti umin-inum kadagiti kalsada gapu ta ad-adda a naammuan ti publiko dagiti addan a pagannurotan, kinuna ni Ganuelas.
Inbinglayna pay a dagiti natiliwan a naglabsing iti ordinansa ket naikkan iti maitutop a dusa basar iti bilang dagiti naglabsing. Ti umuna a panaglabsing ket addaan iti multa a ₱200, bayat a ti maikadua ken maikatlo a panaglabsing ket addaan iti nangatngato a multa sigun kadagiti pagannurotan.
Dakkel met ti akem dagiti opisial ti Barangay iti pannakaipatungpal dagiti ordinansa. Agserbi dagitoy a kas umuna a palagip kadagiti konstituenteda tapno masigurado a ti tunggal umili ket addaan iti umdas a pannakaammo kadagiti agdama a pagannurotan.
Gapu iti daytoy, naipadamag a nakaawat ti LUPPO iti positibo a feedback manipud iti komunidad. Bimmassit dagiti insidente ti panaginum iti ruar, panaglabsing dagiti menor de edad, ken reklamo a mainaig iti arimbangaw, a dati a gagangay a parikut iti dadduma a lugar.
Ad-adda pay nga impaganetget ti LUPPO a napateg ti agtultuloy ti pannakaipatungpal dagitoy nga ordinansa tapno mataginayon ti urnos ken malapdan ti riribuk. Mangnamnama met ti opisinada nga agtultuloy ti panagtitinnulong ti publiko tapno ad-adda a mapatibker ti disiplina ken responsable a panagbiag iti komunidad. (Report by Bombo Ericka)
