Naananayen a naglukat ti maikadwa nga isolation facility idiay Brgy. Acao, Bauang, La Union.
Segun kenni Provincial Information and Tourism Officer Adamor Dagang, naawagan daytoy a Home of Hope no sadinno agserbi daytoy a Regional Isolation ken Treatment Facility a tarigagay a palawain iti kapasidad iti probinsiya para iti pannakataming ken pannakaisolate dagiti suspected Covid-19 patients.
Ti pasilidad ket addaan iti 50-bed capacity kadagiti amin a close contacts iti maysa a suspected Covid-19 positive patients ken dagiti LSI’s a napaay a mangiparang iti dokumento da kadagiti border checkpoints.
Ti nadakamat a pasilidad ket kukwa iti DPWH REGION 1 no sadinno ket nagpinnirma dagitoy iti Memorandum Of Agreemant.
Ti PGLU met ti nadutukan a mangimanehar iti operasyon ken mentainance iti pasilidad pakairamanan dita ti panagsapol kadagiti doktor, nurses ken dadduma pay health personnel. Mabalin pay a mangi-endorso sadiay kadagiti 20 nga LGU’s no adda dagiti mailista a suspected cases dagitoy.
Malaksid iti dayta, mabalin pay a maiyendorso sadiay dagiti covid patients a saan a residente ditoy gapu iti negosyo, panagadal ken trabaho.
Nupay ngumatngato ti bilang iti kaso iti Covid-19 iti probinsiya, agtultuloy dagiti nainget nga addang iti provincial government tapno maliklikan ti panagwaras iti covid-19 ken panangtaming kadakuada.
Agtultuloy ti apela dagiti otoridad iti panangsurot kadagiti pagannurutan.
