LA UNION – Arestado iti maysa a construction worker kalpasan a makumpiskaran ti lima a plastic sachet iti maatap a shabu.
Iti suspek ket nabigbig iti nagan a Joseph Rilloraza, 36, addaan asawa, maysa a Listed Drug Personality ken residente ti Purok 6, Brgy. Sagayad ditoy syudad ti San Fernando.
Immuna ti daytoy, alas 8:00 ti bigat idi kalman ket nangisayangkat dagiti kameng ti San Fernando City Police Station iti intelligence driven anti-illegal drugs operation wenno panangiserbi ti Search Warrant kontra iti suspek.
Nagresulta daytoy iti pannaka-arestar na kalpasan a natiliwan ti 5 a heat sealed transparent plastic sachet a naglaun ti maatap a shabu, mapatta-patta nga agdagsen ti 0.7 grams ken addaan ti market value a P5,440.
Iti suspek ket sumango iti kaso a panaglabsing iti RA 9165 wenno comprehensive dangerous drugs act of 2002.
