LA UNION – Inarestar dagiti otoridad idi rabii iti maysa a rapist, a maibilang a number one most wanted person idiay Balaoan, La Union.
Babaen iti bileg ti warrant of arrest nga impaulog ni Judge Ethelwolda Jaravata, naaresto iti managan Jesus Opetina, 55, maysa a tricycle driver, residente ti Barangay Camiling ti nasao met laeng nga ili gapu ti kaso daytoy a rape wenno panagrames.
Kabayatanna iti sabali pay nga operasyon dagiti otoridad idi malem kalman, naarestar iti maysa a maipagarop nga illegal recruiter kalpasan ti naisayangkat nga entrapment operation iti Barangay 4 ditoy syudad ti San Fernando.
Daytoy ket nabigbig iti nagan a Joel Abad, 30, residente ti Barangay Baroro, Bacnotan, La Union.
Maibasar iti report, naarestar ti suspek babaen iti nagtipon a puwersa ti Balaoan PNP ken San Fernando City Police Station.
Nakumpiskar manipud iti suspek iti P4,000.00 a marked money.
Iti nasao nga ebidensiya ket addan itan iti poder ti pulisiya para iti umno a disposisyon.
