Pinasingkedan ni Ramil Madriaga a personal isuna a sinarungkaran iti detention cell ni Bise Presidente Sara Duterte idi Oktubre 2025.
Daytoy ket iti laksid ti waragawag VP Sara nga awan ti personal wenno propesional a koneksionna kenni Madriaga.
Iti sinapataanna a waragawag, imbaga ni Madriaga a nakitana ni Duterte kabayatan ti pannakaiturongna iti opisina ti jail warden iti Camp Bagong Diwa, Taguig, no sadino nagisem ken kimaway daytoy kenkuana.
Segun pay kenni Madriaga, nakasaritana ni Duterte iti telepono, a nagdamag maipapan iti kasasaad ken ti maipagarop a panagkiddawna iti pammakawan iti saan a panagtulong iti kaso.
Impeksana met ti pannakadismaya, kangrunaan idi akusaran isuna ni Harry Roque a nangipila ti kaso a kidnapping kontra kenkuan kas bales iti panangibutaktakna ti land-grabbing idiay Bataan.
Impaganetget ni Madriaga, ti insidente ket pammaneknek nga adda ti direkta a koneksionda ni Duterte, maisupadi iti immuna a waragawag daytoy.###
