Nakatuding a sumango iti korte ti America ni Venezuelan President Nicolas Maduro kalpasan a maarestar, segun iti social media post ni US Attorney General Pam Bondi iti bigat ti Sabado, Enero 3, 2026.
Dinakamat ni Bondi iti indictment kontra kenni Maduro a nakasuan ti “Narco-Terrorism Conspiracy, Cocaine Importation Conspiracy, Possession of Machineguns and Destructive Devices, and Conspiracy to Possess Machineguns and Destructive Devices against the United States.”
Immunan a kinasuan isuna ti Southern District of New York idi 2020, ngem saan pay a nalawag iti agdama ti eksakto a lokasion ti Venezuelan President.
Pinagyamanan met ti US Attorney General ni US President Donald Trump ken ti US military, a nangisayangkat ti nakaskasdaaw ken naballigi a misyon tapno kemmegen dagiti dua a maipagarup nga international narco traffickers.
Immunan nga impadamag ni Trump idi bigat ti Sabado, oras idiay Amerika, a naarestaren ni Maduro kadua ni First Lady Cilia Flores kalpasan iti nailunsad a large-scale strikes ti US military idiay Venezuela.###
