BR LA UNION – Nasarakan nga iggem dagiti otoridad ti Pasig City ni Magsasaka Partylist nominee ken sigud a commander of the Alex Boncayao Brigade a ni Lejun dela Cruz.
Segun iti abogado na a ni Atty. General Du, idi bigat ti Domingo ket nagturong idiay Cainta, Rizal ni Dela Cruz.
Agarop alas-11 ti agsapa, sumrek koma iti luganna ni dela Cruz idi asetgan ti lalaki a naka-sibilyan.
Immasideg ti maysa pay a lalaki a nakamotorsiklo ngem maipagarop a nagpaputok daytoy ti namindua a daras isunga pinataray na iti lugan daytoy.
Idiay Manggahan, Pasig ket dinungpar na ti maysa a motorsiklo ken kotse a kumam-kamat kenkuana agingga a nagpabigbig dagitoy a miyembro ti pulisiya.
Ingngato ni Dela Cruz ti ima ket pinusasan da daytoy.
Kalpasan ti tallo nga oras, nakita nga adda garumyad iti rupa, tumeng, ken siko ni Dela Cruz.
Segun iti executive secretary na a ni Maya Capalad, nakita da a nakabalud ni Dela Cruz idiay Manggahan police station ti alas-4:30 ti malem.
Nagdanag da agsipudta rinikos da dagiti istasyon ti pulisiya idiay Antipolo agingga Pasig tapno makita ni Dela Cruz.
Naiturong daytoy idiay Marikina police station agsipudta adda ti warrant of arrest na sadiay gaputi kaso a murder idi pay 1992.
Plano ita ti kampo ni dela Cruz a mangidatag ti kaso kontra kadagiti otoridad gaputi naaramid a pammaltog.
Inlawlawag met ni Marikina chief of police PCol. Erwin Dayag, a naka-sibilyan dagiti pulis gaputa paset dagtoy ti intelligence group.
Pinaglibakan da a dinangranan da ni Dela Cruz ken addaan da ti body camera a mangpaneknek iti insidente.
Nakatuding a maipa-ima ni Dela Cruz iti Las Pinas Police station.
