LA UNION – Maysa a‘full scale exercise’ iti maisayangkat kas paset ti National Simultaneous Earthquake Drill (NSED) para ti second quarter ita a tawen.
Manamnama a dar-ayan daytoy dagiti regional contingents a mangibagi kadagiti nadumaduma a rehion.
Agserbi a ceremonial venue ti Rescue Emergency Disaster Training Center idiay Pasig City.
Segun iti Office of Civil Defense, naituding dagiti regional contingents a mangbangon kadagiti alternate emergency operations centers para iti nasao nga exercise.
Sentro iti Harmonized National Contingency Plan para iti Magnitude 7.2 Earthquake a kangrunaan a pokus iti maisaysayangkat a National Simultaneous Earthquake Drill.
Al-allukuyen met ti publiko a makipaset iti simulation a maisayangkat kas panagsagana kadagiti ginggined a mabalin a mapasamak iti aniaman nga oras iti nadumaduma a paset ti pagilian.
