Pinasingkedan ti Makabayan bloc ken dagiti progresibo a grupo nga inawaten ti Office of the House Secretary General iti maikadua a reklamo maipapan iti impeachment kontra kenni Presidente Ferdinand Marcos Jr., kalpasan a saan a naawat idi napan a lawas gapu ta adda ni House Secretary General Cheloy Garafil iti ballasiw-taaw.
Segun ti Makabayan, saan a nangipaay ni Garafil ti pammatalged no iti maikadua a reklamo ket dagus a maipatulod iti opisina ni House Speaker Faustino “Bojie” Dy III, wenno no maikuyog daytoy iti napalabas a petision sakbay a maisubmitir iti plenaryo ti Kamara.
Pinasingkedan dagiti mamanday-linteg iti probision ti 1987 Constitution a mangibagbaga a saan a mabalin a rugian ti nasursruok ngem maysa nga impeachment proceeding maibusor iti kapada nga opisial iti uneg ti maysa a tawen, banag a mabalin a mangapektar iti panagrang-ay dagiti reklamo.
Iti agdama, saan pay a nalawag iti sumaruno nga addang ti Kamara mainaig iti maikadua a reklamo.
Nakapamaysa iti impeachment complaint nga in-endorso ti Makabayan bloc – iti naibilang a “BBM Parametric Formula,” maysa a polisia ti Department of Public Works and Highways (DPWH) a mangitakder iti Baselined-Balanced-Managed ken kapada met iti inisial ti Presidente Marcos.
Segun ti Makabayan, maipagarup a nausar iti formula kas basaran iti panangitukon dagiti pondo pang-imprastraktura ti ehekutibo ken Kongreso iti national budget.
Impaganetget ti grupo, daytoy pay iti nagbalin a basaran dagiti maipagarup a kickbacks wenno pabor mainaig kadagiti proyekto.###
