Simmalang kas maikapat a testigo ti depensa ni Atty. Suzette Balucanag-Punay iti maika-42 nga aldaw ti impeachment trial kontra kenni Vice President Sara Duterte ita a Miyerkules, Nobiembre 11.
Nagtestigo ni Balucanag-Punay, nga agdama a tumaktakder a kas corporate counsel para iti GenCorp Industries, Inc. ken Metro City Chow Foods Corp. tapnu paneknekan a saan daytoy nga stockholder, opisyal, wennu direktor iti aniaman a a kumpanya ni Bise Presidente.
Naitantan ti orihinalna a panagtestigo idi Lunes, Nobiembre 9, kalpasan a maaddaan daytoy ti umuna nga iskediul nga MRI procedure.
Sumagmamano a personalidad met ti nagtestigo kadagiti napalabas nga aldaw.
Malagip a binabalaw ti dadduma a senador-judes dagiti immun-unan a simmalang gapu ti panangliklik dagitoy a mangited iti direkta a sungbat iti sumagmamano a napapateg a saludsod maipapan iti kaso.
