LA UNION – Naipasidong iti lockdown iti lugar a pagnanaedan iti maibilbilang a kaunaan a kaso ti coronavirus idiay Barangay Ammalapay, Tubao, La Union.
Immuna a kinumpirma ti LGU-Tubao idi kalman, Hunyo 4, a maysa a seaman iti lugar da ti nagpositibo ti COVID-19 ngem asymptomatic daytoy.
Iti nasao a covid patient ket maikatlo a seaman ditoy La Union a nagpositibo iti nasao a sakit, agtawen ti 35, ken residente ti Barangay Ammalapay ti nasao nga ili.
Simmangpet iti nasao nga ili idi pay bulan ti Pebrero ngem idi June 24, nagbiyahe daytoy idiay Manila para iti medical examination.
July 1, 2020 a naipasidong iti RT-PCR test ket rimuar ti resulta na idi July 4, a nangkumpirma a positibo daytoy iti COVID-19.
Gaputi dayta, dagus nga impasidong ni Mayor Jonalyn Fontanilla-Piayas iti lockdown partikular iti Purok 18, Brgy. Amallapay, Tubao.
Kagiddan daytoy iti nairut a panangipatungpal dagiti safety protocols tapno malapdan iti panagwaras ti virus, kangrunaan na iti panagtalinaed iti babbalay.
Istrikto pay a maiyemplementar ti liquor ban agingga a nakapasidong ti lugar iti lockdown nga agtalinaed ‘until further notice.’
Kabayatanna, nagtignay metten iti contact tracing team tapno i-identify dagiti tattao a naka-close contact ti pasyente ken ma-monitor iti kondisyon dagitoy.
