Nairugin iti main trial ti malversation case ni sigud a Senador Ramon “Bong” Revilla Jr. ken dagiti kakadua na nga akusado iti Sandiganbayan ita nga aldaw ti Martes, Mayo 5.
Iti non-bailable a kaso ket nagtaud iti maanomalya a flood control project idiay Pandi, Bulacan nga aggatad ti ₱92.8 million.
Segun kenni Associate Justice Ronald Moreno, pinagbigyan ti korte iti mosyon ti prosekusyon a ma-recall ni Jason Cruz a records custodian ti DPWH, tapnu agtestigo.
Imbaga met ni Prosecutor Maria Cristina Marallag-Batacan nga ipresenta ni Cruz ti maysa a logbook a naglaon ti napapateg nga ebidensia mainaig kadagiti proyekto.
Manamnama a mairuar ti resolution iti bail petition ni Revilla inton bigat, Mayo 6.
Immunan a pinaglibakan ti sigud a senador dagiti panangiraman kenkuana iti maanomalya a proyekto, ken nakapagpiyansa iti kaso a graft ngem agtaltalinaed a nakabalod gapu ti non-bailable malversation case.###
