Nagparang iti korte iti umuna a gundaway babaen ti video link iti lalaki a naakusaran a nagpaltog kabayatan ti Jewish Hanukkah celebration iti Bondi Beach idiay Sydney, Australia idi Disiembre 14.
Sanguen ni Naveed Akram, 24-anyos, dagiti 59 a kaso iti nasao nga insidente, karaman ti 15 counts of murder, 40 counts of wounding with intent to murder, ken terror offence.
Segun kadagiti otoridad, kaduana a nagpaltog iti amana a ni Sajid, 50-anyos, a natay met kalpasan a mapaltugan.
Kabayatan ti proceedings, saan unay a nagtagari ti akusado ken agsao laeng tapno pasingkedan a nangeg na iti diskusion.
Agsubli iti korte ti kaso inton April.###
