LA UNION – Kon-kondinaren dagiti 17 nga agriculture group iti panagkissay ti taripa kagiddan ti panawagan da nga aglosolos iti puwesto ni Secretary Arsenio Balisacan ti National Economic and Development Authority (NEDA), gapu iti “pro importation ideology” daytoy.
Kabilang kadagiti grupo iti SINAG, PHILCONGRAINS, ABONO Party-list, UBRA, Phil Egg Board, AGAP Party-list, Phil Palay, PhilMaize, ken Bantay Bigas.
Segun kenni Jayson Cainglet, mangimatmaton ti grupo dagiti mannalon a SINAG, nagkaykaysa iti amin a 17 a grupo iti agrikultura, gapu iti kapanunutan ni Balicasan ket kontra da amin iti indatag na a panagkissay ti taripa kadagiti produkto a pang-agrikultura.
Kinuna ni Leonardo Montemayor, sigud a sekretaryo ti Department of Agriculture (DA) ken chairperson ti Federation of Free Farmers, nga agsurat da kenni President Ferdinand “Bongbong” Marcos Jr., tapno maaddaan dagitoy ti personal a panagtataripnong, tapno ibaga iti Presidente a kayat da nga agebbaten ni Secretary Balisacan.
Innayon pay ni Montemayor nga agsubli laengen ni Balicasan iti Philippine Competition Commission.
Kabayatanna, imbaga met ni Danny Fausto, iti presidente ti Philippine Chamber of Agriculture and Food, a ni Secretary Balicasan ket naggapo iti Department of Agriculture—undersecretary for planning ket nalabit kunana, saan pay a nakabaddek daytoy iti daga wenno iti realidad, isunga panawaganna nga aginana pay laeng ni Balisican.
