LA UNION – Gapu ta adu a pagadalan iti dinadael iti bagyo Ompong idiay Ilocos Region ket plano ita ti Department of Education (DepEd) a mangisayangkat ti make-up classes kadagiti temporary shelters.
Iti pannakiuman ti Bombo Radyo kenni DepEd Regional Office-1 Project Development Officer Abegail Cabilin, kinunana a tapno makakamat iti leksyon dagiti estudyante ket posible a maaddaan iti klase kadagiti aldaw ti Sabado.
Adda metten iti temporary shelters a mabalin a pakaaramidan iti klase.
Sigun pay kenni Cabilin, ikonkonsiderada iti kinatalged dagiti estudyante isu nga agaramatda pay laeng kadagiti temporay shelter kabayatan a matartarimaan dagiti eskwelaan.
Iti agdama ket saan pay a kompleto iti iggem a datos ti DepEd iti pakabukalna balor wenno bilang dagiti pagadalan a dinadael iti bagyo ngem adu kadagitoy iti naitayad dagiti atep ken nakalned pay laeng iti layos gapu ti bagyo kangrunaan idiay paset ti Ilocos Sur ken Ilocos Norte.
