Agtaltalek iti Malacañang a raemen iti liderato ti Iglesia ni Cristo (INC) iti linteg ken aniaman a desisyon ti korte iti kaso ni Senador Rodante Marcoleta.
Waragawag daitoy iti Palasyo kalpasan iti panag-surrender ni Marcoleta kasaruno iti pannakaipaulog iti warrant of arrest ti Sandiganbayan mainaig iti kaso a plunder.
Segun kenni Palace Press Officer Undersecretary Claire Castro, saan da nga un-unaan iti mapapati a nalawlawa manen a tignay-protesta manipud iti INC agsipud ta agtaltalek iti Ehekutibo a raemen ti organisasyon iti proseso.
