BR LA UNION – Impaganetget ti Malacañang a rumbeng nga agbalin nga alerto ti maysa a mayor kadagiti kontrata ken transaksyon ti city government, kasaruno iti testimonya ni Davao City Mayor Sebastian “Baste” Duterte nga awan ti ammo na iti business interest ti kabsat na a ni Vice President Sara Duterte iti GenCorp.
Segun kenni Palace Press Officer Usec. Claire Castro, saan da a mabalin nga husgaran iti inwaragawag ni Baste iti impeachment trial.
Nupay kasta, saan a mabalin nga agtalinaed nga awan ti ammo wenno awan ti pannakibiang iti maysa a lider kadagiti transaksyon a sakop ti opisina na.
Impaganetget ni Castro a mabalin a maawatan nu saan a dagus a nadlawan ti maysa a lider ti maysa a transaksyon iti umuna a paset ti termino na.
Ngem nu paulit-ulit ti pannaki-transaksyon ti gobyerno iti maysa a kumpanya ngem saan latta a mapansin, kinuna na a kasapolanen ti agsalodsod ken agsukimat.
Kabayatanna, inwaragawag ni Baste iti panagusig a 19 a kontrata iti impaay ti Davao City iti GenCorp, bayat a binigbig na met ti responsibilidad na kas head of the procuring entity ti siyudad.
