Binilin ti Malacañang iti Department of Labor and Employment (DOLE) a palawaen iti TUPAD program tapno tumulong iti panagsagana para iti Brigada Eskwela ken mangipaay ti temporario a trabaho kadagiti Pilipino.
Iti panagtaripnong da Executive Secretary Ralph Recto ken ti baro a nadutokan kas DOLE Secretary a ni sigud a Senador Francis Tolentino, naiyawat iti direktiba a papartaken iti rollout ti programa, maitunos iti bilin ni Presidente Ferdinand Marcos Jr., tapno mapapigsa dagiti addang a mangpataud ti panggedan.
Babaen ti TUPAD, matignay dagiti benepisario a mangtarimaan, mangdalus ken mangpapintas kadagiti pampubliko a pagadalan sakbay iti panaglukat ti klase, bayat a maipaayan met ti pamastrekan dagiti agkasapulan a Pilipino.
Impasigurado ni Recto iti sibubukel a suporta ti Office of the Executive Secretary kadagiti programa ti DOLE ken inyebkas iti panagtalekna kenni Tolentino kas baro a sekretario ti ahensia.###
