Inlibak ti Malacañang iti akusasion dagiti sumagmamano a kongresista nga adda ti ammo ni Presidente Ferdinand Marcos Jr. iti “kickback” a naawat dagiti sumagmamano a nangato nga opisial manipud kadagiti flood control projects.
Kenuna ni Palace Press Officer Usec. Claire Castro nga inaramid met ti Kamara iti mandatona nga imbestigaran iti pannakairaman ti presidente iti flood control scandal, ken limmasat daytoy iti proseso ken naibilang nga awanan ti basaranna.
Segun kenni Castro, saan a rumbeng a mausar kas igam dagiti aniaman a panangdadael nga awan ti natibker a basaran, tapno laeng pakapsuten iti panagtalek dagiti umili iti gobierno.
Immadayo ti Palasio idi napagsaludsodan no rumbeng nga agsao iti opisial a naisilpo iti isyu.
Nagkedked ni Castro a mangilibak iti pammabasol gapu ta uray isuna ket saanna pay a nakita iti maipagarup a text message iti nagbaetan ti presidente ken ni sigud nga Undersecretary Adrian Bersamin, a maipagarup a “bagman”-na.
Impaganetget ti Malacañang iti tarigagay ti presidente nga ipamaysa nga umuna iti panagbangon ti ekonomia ti pagilian, ken bay-an dagiti dadduma nga ahensia a mangimbestiga iti aniaman nga impormasion a mainaig ti flood control scandal.###
