Respetaren ti Malacañang iti nagbalin a desision ti Sandiganbayan a mangipalubos kenni sigud a Senador Bong Revilla Jr. a makapiansa maipanggep iti kaso a falsification of public documents nga adda pakainaigan na iti malversation of public funds.
Segun kenni Palace Press Officer Undersecretary Claire Castro, adda kadagiti prosecutors iti panagdesision no mangipasa da ti aniaman a legal a remedyo a maibusor kontra iti nagbalin a resolusion ti anti-graft court.
Impaganetget ni Castro a masapul nga agpannuray ti rule of law ken due process iti pannakaresolba ti kaso.
Temporario a nawayawayaan ni Revilla kalpasan ti panagpiyansa na ti ₱1 million.
Iti nairuar a resolusion, kenuna ti Sandiganbayan a saan a nakaipresentar iti prosekusion ti umdas a natibker nga ebidensia tapno pagkedkedan iti petision na para iti piansa.###
