BR LA UNION – Bimwelta ti Malacañang iti pammabasol ni Bise Presidente Sara Duterte a binaybay-an isuna ti gobiyerno ken uray ti Office of the Vice President.
Insubli ti Palasyo ti statement kenni VP Sara.
Segun kenni Palace Press Officer USec Claire Castro, sapasap unay wenno general ti waragawag ti bise presidente.
Kinuna ni Castro nga awan ti nang-abandonar kenni Bise Presidente Duterte, wenno mabalin a ni VP Sara iti nangbaybay-a iti gobiyerno.
Impaganetget ni Castro a kayat laeng a parwaren ni VP Duterte a nakakaasi iti imatang ti publiko ken ti OVP ngem kinapudnona, inikkan ti gundaway ti Bise Presidente a mangidepensa iti pannaka-aramat iti P120 billion pesos intelligence ken confidential funds ngem napaay daytoy.
Inlawlawag ni Castro, saan a lapdan ti gobiyerno a maikkan iti umno a badyet ti OVP, no mailawlawag na laeng ti umno dagiti nakausaran ti pondo.
