Malakanyang, inawagan a peke ken kababain ti pannakairaman kenni FL Liza Marcos ti pannakatay ni Paolo Tantoco
Inawagan ti Malakanyang a peke ken kababain ti alegasyon a pannakairaman ni First Lady Liza Araneta Marcos ti pannakatay ti negosyante a ni Paolo Tantoco.
Segun kenni Castro, us-usaren laeng dagiti dadduma nga obstructionist ti nasao nga isyu tapno dadaelan ti First Lady, ni Presidente Ferdinand Marcos Junior, ken ti administrasyon na. Impaganetget na a makapaliday a mairamraman ti panagpolitika dagiti pribado nga indibidwal.
Binabalaw ti Palasyo ti mapapati a peke nga police report nga agwarwaras iti social media, nu sadino ket manaynayunan ken makiskissayan dagiti impormasyon iti insidente.
Direkta nga inawagan ni Castro iti isyu a dakkel a kinaulbod ken kinarit na ti siasinoman a mangisayangkat ti bukod da a beripikasyon idiay Beverly Hills Police Department tapno paneknekan dagiti linya nga innayon da ket saan nga paset ti orihinal a dokumento.
Pinaglibakan met ti Palasyo a miembro ni Tantoco ti official entourage ti First Lady iti biahe na idiay Los Angeles.
Kinunana nga adda iti kadwa nga US security service ken Presidential Security Group iti First Lady ken sabali met nga hotel ti nagnaedan na a saan nga iti nagturogan ni Tantoco.
Impunto pay ti Palasyo a dokumentado iti social media dagiti opisyal nga aktibidad ti First Lady idi Marso 8, karaman ti konsyertong a dinar-ayan na para kadagiti Pilipino, karaman ni Tourism Secretary Christina Frasco.
