LA UNION – Arestado iti maysa a mangngalap iti insayangkat nga anti-illegal fishing operation dagiti kameng ti Aringay Police Station, Phil. Coastguard ken Bantay Dagat iti kabaybayan a sakop ti Barangay Alaska idiay ili ti Aringay.
Nabigbig iti suspek a ni Ricky Cortez, 50-anyos, addaan asawa, residente ti Barangay San Julian, Agoo, La Union.
Base iti report, naipatungpal ti operasyon agarop alas 2:00 idi malem ti Pebrero 4, 2020.
Karaman pay a kinumpiskar dagiti otoridad manipud iti natiliw a mangngalap, iti maysa a bangka, iket (fishing net), ken lames a nakalapan na, a mapatta-patta nga agdagsen ti 40 kls ken agbalor ti P5,000.
