LA UNION – Inarestar dagiti otoridad iti maysa a mangngalap gaputi iligal a droga ken maibilang a Top 5 drug personality iti municipal level idiay San Juan, La Union.
Iti suspek ket nabigbig iti nagan a Mark Daryll Cabagbag, 26, addaan asawa, residente ti Barangay Taboc ti nasao nga ili.
Base iti report, inserbi dagiti otoridad iti maysa a search warrant, napetsaan ti February 17, 2020 nga impaulog ni Hon. Victor Concepcion, Executive Judge, Regional Trial Court, San Fernando City, La Union iti mismo a balay ti suspek.
Kas resulta, nakakumpiskar dagiti otoridad iti maysa a piraso ti medium size heat sealed transparent plastic sachet iti maatap a marijuana fruiting tops ken mapatta-patta nga agdagsen ti 0.7 gramo.
Iti suspek agraman iti nakumpiskar a droga ket adda itan iti kustodiya ti San Juan Police Station para iti umno a disposisyon.
