BR LA UNION – Natay ti maysa a mangngalap kalpasan a nalmes iti kabaybayan a sakupen ti Brgy. Paraoir, Balaoan, La Union.
Nabigbig ti biktima a ni Victor Galano, 45-anyos, awanan asawa, ken residente ti Brgy. Nagsabaran Sur, Balaoan, La Union.
Maibasar iti report ti Balaoan Police Station, sakbay iti insidente, nagturong da ti baybay tapno agpana wenno agkammel ti lames kaduana iti kasinsin na a nabigbig ti nagan nga Orlito Tabafunda.
Ngem bayat ti panagpanada ti lames, kellaat a simmaplit ti dadackel a dalluyon nga isu iti rason ti pannakalmes ken panagpukaw ti biktima.
Agaros alas 8:10 ti simmaruno nga aldaw a nasarakanen ti bagi ti biktima ket naiturong idiay Balaoan District Hospital ngem naideklara a dead on arrival babaen ti attending physician a ni Dr Cecile Faye Perdigon.
