LA UNION – Naibalud iti maysa a mannalon kalpasan a makumpiskaran iti paltog ken nagduduma a bala iti mismo a pagtaengan na idiay Barangay Bagbag, Bauang, La Union.
Iti suspek ket nabigbig iti nagan a Rey Redito, 58-anyos, ken residente ti nadakamat a barangay.
Iti pannakasukimat ti pagtaengan ni Redito ket babaen iti bileg ti search warrant number 91 nga impaulog ni Hon. Judge Edwin Macaraeg, Acting Presiding Judge iti MTC Bauang, gapu iti panaglabsing ti RA 10591 wenno illegal possession of firearms and ammunitions.
Nagresulta daytoy iti panangkumpiskar dagiti otoridad iti maysa (1) a caliber 45 pistol; 2 magazine ti cal. 45; 29 pidaso ti live ammunition para iti cal. 45 ken 3 ammunition iti cal. 38 revolver; 2 pidaso ti black holster, 2 pidaso iti magazine pouch ken 1 pidaso iti black belt bag.
Iti suspek ket dagiti nakumpiskar nga ebidensiya ket naiturong iti kustodiya iti Bauang Police Station para iti umno disposisyon.
