Dead on the spot ti maysa a mannalon kalpasan a makuyente gapu iti nakalaylay a linya ti kuryente idiay Barangay Baraos, ciudad ti San Fernando, La Union.
Nabigbig ti biktima a ni Benny Lazaro, 41, addaan asawa, residente ti nasao a lugar.
Naamwan a ti mismo 15 anyos a kaanakan ti biktima ti nakakita iti bagi ni Benny nga awanan ti anges.
Segun kenni Faustino Lazaro, uncle ti biktima, naklaat da idi maipakaammo kadakuada ti pasamak gaputa sakbay ti insidente ket gimmatang pay kenkuana ti softdrinks ti kaanakan na ni Benny sakbay a nagturong iti talon.
Patien ni Faustino a natay ti kaanakan na gapu iti pannakakuryente ti naiggeman na a live wire ti La Union Electric Cooperative (LUELCO) a nabati a nakalaylay iti nadakamat a lugar.
