LA UNION – Naidatagen idiay piskalya ti kasong nga illegal possession of fire arms and ammuniton kontra ti maysa a mannalon gapu ti panangidulinna iti igam idiay Barangay Lacong, ili ti San Gabriel, La Union.
Nabigbig ti suspek a ni Kevin Carl Graycochea, 25, residente ti nasao a lugar.
Naammuan ti Bombo Radyo manipud ti San Gabriel Police, babaen ti search warrant nga impaulog ti korte ket sinukimatda ti balay ti suspek kasaruno iti pannakaduktal ti maysa cal .38 revolver ken iti bala daytoy.
Nakabalud ita idiay police station ti suspek kabayatan a maur-uray ti abalin a resolusyon ti piskalya iti kaso daytoy.
