Saan a kontento iti Pambansang Kamao ken 8-Division World Champion Manny ‘Pacman’ Pacquiao kadagiti kombinasyon na kontra iti Mexican-American boxer ken WBC Welterweight Champion a ni Mario Barrios.
Kinuna ni Pacquiao a naannad iti panangibbat kadagiti danog ni Barrios ngem puro amin kargado ken napipigsa. Innayon na a nupay naragsak isuna iti performance, saan met isuna a kuntento iti statistics dagiti inibbatan na a danog.
Naammiris na a dapat ket mas nagbalin pay isuna nga agresibo para kuma iti maysa a knockout.
Mainaig iti punch statistics dagiti dua a boksingero, nakalamang iti score a 120/658 ni Barrios para kadagiti danog a timmama bayat a ni Pacquiao met ket nakairecord ti 101/507.
Kabayatanna, silulukat dagiti dua a para ti maysa a rematch tapno maamwan nu sino iti rumbeng a mangiyawid iti kampeonato.
Kalpasan iti amin ket aminado ni Pacquiao a maysa a napigsa a boksingero ni Mario Barrios.
