Mangararamid ti wagas iti grupo dagiti manufacturers iti pagilian tapno mapalag-anan iti panagngato ti presio ti lana ditoy pagilian.
Segun ti Supply Chain Management Association of the Philippines (SCMAP), iti panangingato ti presio dagiti tagilako ket ti maudi a pamuspusan nga aramidenda.
Kenuna met ni SCMAP Marketing and Communications Director Henrik Batallones a saanda kayat a madagsenan dagiti consumers no kaspangarigan mangipangatoda ti presyo dagiti magagatang.
Sumagmamano kadagiti posible nga aramidenda ket ti panangala ti ad-adu nga orders tapno agpaut dagiti stocks ken saan unay a masansan iti panagbiahe.
Nakatuding met iti pannakitaripnongda iti Department of Trade and Industry (DTI) para iti posible a panagngato ti presio dagiti kangrunaan a magagatang.###
