LA UNION – Iggem itan dagiti otoridad dagiti tallo a mapapati a miyembro ti maysa a drug group, a maipagarop nga agop-operate iti intero a Region One.
Iti naisayangkat nga Anti-Illegal Drug Operation (Buy Bust) iti nagtipon a puwersa ti CSF PS, LUPIB, RDEU ken PDEA RO1 idiay Brgy. Parian, City of San Fernando, La Union, pasado alas 10:00 idi bigat kalman, balligi a nakemmeg dagiti suspek nga isuda: Rizza Joy Galvez, 30, addaan asawa, jobless ken residente ti Brgy. Carlatan ditoy syudad; Jeffrey Suyat, 37, baro, maipagarop nga empleyado ti Coca Cola ken residente ti Brgy Urbiztondo, San Juan; ken Jonie Caluma, 33, addaan asawa, grab driver ken residente ti Antipolo, Rizal.
Kinumpiskar pay dagiti otoridad iti nasao a joint buy bust operation iti (3) heat sealed transparent plastic sachets iti maipagarop a shabu a mapatta-patta nga agdagsen ti 15 grams ken DDB value a Php 102,000.00
Kabilang pay a narekobre iti maysa a piraso ti genuine P1,000.00 bill ken 14 piraso ti fake a Php 1,000.00 (buy bust money), drug paraphernalia ken maysa a unit ti Toyota Innova.
Dagiti suspek ket agdama ita a nakaditine iti San Fernando Police Station.
