BR LA UNION – Ad-adalen ti grupo dagiti archeologist ken paleontologist dagiti nadiskubre a fossilized bones ken ngipen ti ayop idiay Tabuk City, Kalinga a mapapati a manipud iti maysa nga elepante.
Nadiskubre dagiti residente iti presensiya dagitoy iti maysa a lugar, agraman dagiti petrified wood.
Dagus a nagturong iti nasai a lugar dagiti eksperto manipud Ateneo de Manila University, National Museum of the Philippines, ken dadduma pay nga international institution tapno amirisen dagitoy.
Mapapati a sumagmamano kadagiti tulang a nadiskubre iti lugar ket paset iti panga ti maysa nga elepante agraman ngipen daytoy.
Immuna a nakarekober dagiti eksperto iti tulang ti rhinoceros asideg met laeng iti nasao a lugar, tulang ti stegodon, ken dadduma pay nga ayop.
Maibasar iti immuna a resulta ti panagadal, ti tulang ti rhino ket mapatta-patta nga ag-edad ti 709,000 years.
Iti agdama, prot-protektaran ti gobyerno dagiti lugar a naka-kalyan bayat nga agtultuloy a maad-adal dagiti na-rekober a banag.
