Impaganetget ni Senador Sherwin Gatchalian iti kasapulan a pirmisen ti imahe iti Senado kalpasan dagiti serye ti tensyon idi napalabas a lawas.
Dinakamat na dagiti agwarwaras a video online nga agbalin a topiko ti pammabalaw, internet memes, ken arig na “drama”.
Segun kenni Gatchalian, nasken nga ipamaysa daitoy iti agdama a liderato wenno kadagiti sumaruno a mangidaulo ti Senado.
Innayon na pay a ti sangapulo a tawen na a kas Senador ket ita na laeng isuna a nakapadas ti kastoy a sitwasyon.
Aminado met ti Senador a naapektaran ti dignidad ken imahe iti Senado.
Kabayatanna, rimuar ti nagan ni Gatchalian kas maysa kadagiti posible a sumublat kas Senate president gapo iti kabaelan na a pagmaymaysaen ti majority ken minority bloc, kasta met a suportado isuna dagiti dadduma a pada na a senador.
