BR LA UNION – Agtultuloy nga imon-monitor ti World Health Organization (WHO) iti baro a report seknan iti panagwaras ti Marburg Virus Disease (MVD) idiay United Republic of Tanzania.
Naamwan a sipud idi naideklara ti panagwaras ti nasao a virus idi Enero 20, 2025, nakailista ti kanayunan a kumpirmado a natay iti Ministry of Health manipud iti lugar a mapapati a nagtaudan ti sakit, idiay Biharamulo district, Kagera region.
Agingga idi Pebrero 10, 2025, addan ti pakabuklan a dua a kumpirmado a kaso ken walo ti posible a naakaran, maibasar iti report ti nasao nga ahensya.
Amin dagiti 10 a kaso ket natay, kabilang dagiti walo a natay sakbay a nakumpirma iti panagwaras ti sakit.
Idi napan a lawas, amin dagiti 281 contact a nailista ket madama a maob-obserbaran laksid a nalpasen ti 21-day quarantine monitoring.
Iti Ministry of Health ket nagpatulod ti maysa a national rapid response team iti apektado a rehiyon tapno mangisayangkat ti naun-uneg pay a panagamiris ken panang-responde iti panagwaras ti sakit, iti technical ken operational support manipud WHO ken health partners.
