Posible a saan a makipaset ni Senador Rodante Marcoleta iti impeachment trial ni Bise Presidente Sara Duterte, no agtultuloy iti panagusig a segun ti senador ket lumablabsing iti Konstitusion.
Kinuestion manen ni Marcoleta iti panangidutok kenni Senador Francis Escudero kas presiding officer ti Senate Impeachment Court. Inpaganetgetna a ti Senate President iti rumbeng a mangidaulo iti impeachment trial, malaksid no iti Presidente mismo iti maus-usig.
Kinuestion met ni Marcoleta iti saritaan maipapan iti voting threshold para iti conviction, partikular iti 16 a botos. Nakapila pay laeng daytoy nga isyu iti impeachment court, a nakatuding a mangngegan iti oral arguments ti depensa ken prosekusion inton Setiembre 23.###
